آراء العملاء

بعد استخدام شهر بين Battlefield 6 و MW3 و امس لعبت بيتا MW4 اقدر الان اقيم واقول انه فعلاً تستاهل كل قرش حطيته به والله ، للامانه الاحساس باليد غريب ، وقصدي بغريب من الناحية الإيجابية وهذي الاسباب

• من ناحية الوزن ، يابشر خفيفة لدرجة كانه فعلاً فاضيه مافيها شي ، حطوا ببالكم اني اخترت مع طلبي خدمة تخفيف الوزن واني شخص كنت العب بيد الايدج ، اختياري كان يد 5 عاديه وليست الايدج

•من ناحية الأزرار وسرعة الضغط ، نهايكم عن سرعة الاستجابة
يعني اكتشفت اني غشيم لدرجة اني اضغط ازرار بالغلط ف اخذت كم يوم وتعودت عليه فعلاً ، هذا عن تجربتي الشخصية ممكن بعضكم فنان ومايحتاج

• حساسية القيور ، قسم بالله اني في العابي رحت ازود الديد زون ، يعني مثلاً كان 3 رحت خليته 5 او 6 ، فعلاً الحساسية ولا غلطة

• تجربة التوصيل كانت اسبوعين من الدمام الى القصيم ، مع العلم اني اخترت افضل الخيارات ف هذا طبعاً بياخذ وقت في التعديل على اليد وترا طلبي كان في فترة الإجازة الصيفية ف اعتقد كان عليهم ضغط طلبات اكيد والمنتج والنتيجة فعلاً كانت تستاهل الانتظار

• خدمة العملاء معي على طول اول باول وساعدون في كل شي حرفياً ووسيعين بال مره الله يجزاهم خير مع انه سهل بس انا مفهي الحقيقة

في الختام تجربتي معهم كانت اول مره والحمدلله وفقت في اختياري لهم ، مع العلم قعدت اسبوع اقارن بين المتاجر والاسعار ف هم الافضل من ناحية السعر وايضاً الجودة لاغبار عليها

كنترول Extra Elite Vortex مميز فرق معي في لعب كود أنا اليد قديم مسوي من عندهم بس اليليت فرق أنصح اليد اليليت

اقسم بالله يا جماعة الخير افضل متجر تعاملت معهم، طابت من عندهم كلكات ماوس امرون مع قيور 720 وفرق جددا معي في اللعب وزيادة عليها اخذت كونترولر فريك، صراحة تاريخي واللي عايشين في عطارد والمريخ ترا يوصلكم على ضمانتي

والله يا اخوان ان الكنترول جامد ركبت كلكات ماوس مع قير كهرومغناطيسي TMR وحرفيا ماندمت والله .. الاستجابه اسرع واللعب عندي افضل وفوقها القير مافيه درفت ,, صحيح المبلغ غالي لكن انت بتدفع على شي يستاهل وباذن الله يصمل معاك

متجر جميل واجمل شي انه اللعب سلس

اليده ولا غلطه

المتجر كويس لسهولة الطلب ولتجاوب معك لطلب

يعطيهم العافية ماقصروا 💙

شغل رهيب ولا يعلى عليه .. تطمنوا ماني بوت يعني اخذوا و انتم متطمنين😹🤍